LAL
ISUA ENTAWNA NUN
I Petera 2:21 Krista pawh khan a tuarsak che u avangin hetiang ti tura
koh in ni asin; a hniaka in zuina turin entawn tur a hnutchhiah che u kha.
THUHMATHEH – Lal Isua nunah khan entawn tur tam tak a awm a, sawi in
ziak dawn ila kan sawi seng lo ang a kan ziak seng hek lo ang. Isua nun a\anga
CMCS |halai te’n kan entawn tur a pawimawh ni a ka hriat pahnih emaw pathum
chauh tun \umah chuan ziak ila a \ha awm e.
He sermon a kan thlur bing bik tur pathumte chu :-
1.
HMANGAIHNA
2.
RINAWMNA leh
3.
CHANCHIN |HA HRIL
Heng point pathumte hi a mal malin kan entawn tur chhan leh kan entawn
dan tur kan sawi dawn a ni.
HMANGAIHNA – Eden bawhchhiatna avanga sual a tlu tawh mihringte
Pathianin min hmangaihna avangin a fapa Isua Krista kan tan leiah hmuhsit leh
endawng tuar tur leh misualber thihna Kros a khai kan ni turin a rawn tir a.
Min hmangaih em avangin Isua kha Kros-ah khai kan a nih a, a thih dawn kha
keini mihringte min hmangaihna avangin kan tan ala \awng\ai a nih kha (Luka
23:34). Min hmangaih em avangin thi khawp hial a thu zawmin a lo awm a nih kha.
Keini \halai te pawh
hian a chunga thu kan han tarlan tak tlemte a\ang khian Isua nuna entawn tur
chu kan hre thei mai awm e. Kan Bible thianghlim chuan Hmangaihna chu a
dawhthei a, ngil a nei a ........ engkim a tuar chhuak \hin (I Kor 13:4-7).
Heng Hmangaihna in a ken tel chi hrang hrangte hi Isua nunah khan entawn turin
a awm vek a ni. Kolkata hmunah kan awm a, kan awmna State neitu te’n Kristian
kan nih avangin min sel chang leh min sawi chang pawhin an mahni hmangaihna
avangin kan tuar hram hram tur a ni. Kan entawn tur Isua ngei pawh kha sawisel
leh rel in a awm ve tho a ni tih hria in, min lo sawi leh min lo sel tute tan
hmangaihna avangin kan \ang\ai sak zawk hlauh zawk tur a ni. Kan hla siam tu
chuan ‘Hmangaih luat vanga inngaitlawmin hrehawm leh thihna a rawn thlang ta,
Hmangaih ten malsawmna an chan theih nan hmangaih tun a tuar a \ul si \hin’
tiin a lo siam a. Min hmangaih avanga kan tana nun hlantu entawn tute kan nih
ang ngeiin Isua chanchin la hre lo te’n Isua chanchin an hriat theih nan leh
nun thuhruk an neih ngei theih nan a hmangaihna kal tlanga an tan kan theih
tawk kan chhuah hi Isua nun kan entawn theihna kawng chu a ni.
RINAWMNA – Isua kha ni sawmli leh zan sawmli chaw a nghei hnuin Diabola
chuan a thlem a nih kha (Matthaia 4: 1-11). Diabola’n a thlem dan zawng zawng
leh Isua chhanna chu sawi kher ngai loin kan hre fur ngei ang, hemiah hian Isua
rinawm zia leh a thu rawn tlangau pui (A pa thu) ah a chian em avang leh a rinawm
tlat avangin Diabola chuan a kalsan ta a ni kha.
Hemiah pawh hian
\halaite hian entawn tur chiang takin kan hmu thei awm e. Rinawm taka nun hmang
tu chuan a tawpah Nunna Lallukhum kan chang dawn si a (Thupuan 2:10) Ringtu kan
nih chuan thlemna kan tawk ngei ngei \hin ti ila kan sawi sual awm lo e.
Thlemna kan tawh hunah rinawm taka Isua hnung zui \al \alte chuan lawmman kan
dawng dawn si a. Harsa tih chang leh hrehawm tih chang chu kan nei ngei ang.
Kan entawn tur Lal Isua pawh kha thlemna a tawh khan harsa chu a ti ve ngei ang
ni sawmli leh zan sawmli lai mai engmah ei lo in hun a hmang si a mahse rinawm
taka a awm avangin diabola chuan a kal bosan a, vantirkohten a rawng an bawl
sak a nih kha. Harsa kan tih changa kan tuar \alh \alh a rinawm taka kan awm
tlat chuan nakinah kan tan hlimna tur a ni zawk dawn a ni. Tin, thlemna kan
tawh reng rengin kan tan tlanchhuahna tur min siam sak ziah tih pawh kan hriat a
\ha awm e (I Korinth 10:13). Rinawmna hi Pathian thuah mai ni lo mihring kan
nih ang a kan nitin nunah pawh hian a hman theih a ni. Mi rinawm chu he leiah
ngei pawh hian a rinawm rah a seng \hin a ni tih hria in rinawm taka nun hman
hi keini \halai te hian kan tih tur makmawh a nih mai bakah Isua nun kan
entawnna kawng khat a ni bawk a ni.
CHANCHIN THA HRIL – Isua kha khawvela a len lai khan Chanchin \ha hril
in a hun pum kha a hmang zo ti ila a sual awm lo e. Khawi hmunah pawh kal sela
chanchin \ha kha a hril zel a nih kha. Tin, vana a lawn dawn khan ram tina kal
a chanchin \ha hril turin min ti a nih kha (Marka 16:15). Kan entawn tur Isua
khan hna \ul bera a neih chanchin \ha hril kha a ngaipawimawh em em a. Kan
entawn tur a nih ang ngeiin keini \halaite pawh hian Chanchin \ha hril hi kan
ngaipawimawh em em tur a ni.
Mi tam zawk tan
chanchin \ha hril a feh chhuah emaw full time-a a rawngbawl chu a har ngei ang
mahse \halai tan chuan kan college kal puite, hnathawk tan kan hnathawh puite
kha kan rawngbawlna tura Pathian min pek a ni tih kan hriatthiam a ngai a ni.
Isua chanchin sawi duah a, aw \eng thum (Speaker aw) a sawi hluah hluah kher a
ngai lo. I sawi thiam lo a, i hrilhfiah thiam lo a nih pawhin i nunah khan lan
chhuah tir mai rawh. Sawi dup dup a zawm leh si loh ai chuan nun a lan chhuah
tir mai kha midangah a thawk na zawk a, ngaihsan pawh an hlawh zawk a, an hre
reng zawk bawk tih hi kan hriat a \ul a ni. Isua khan vana a lawn dawn khan thu
min pe a, a thu min pek kha zawm a tih
hlawhtlin hi keini ringtute tih tur a nih mai bakah Isua nun kan entawnna kawng
khat a ni tih kan hriat hi a \ul hle a ni.
TLANGKAWMNA - Mizote hi kan ngaihsan zawng chu uchuak tak a entawn a, an
in chei dan, hair style, lam dan leh \awng dan thleng a copy duh hnam kan ni ti
ila ka sawi sual lo ang. Hetiang hi kan nih avangin entawn tur dik leh ngaihsan
tur dik Isua hi entawn ila ngaisang ila kan ramah hian buaina leh harsatna a
awm lo tur. Entawn tur dik leh ngaihsan tur dik kan hriat loh \hin avang hian
kan buai a, mahni in that, tual that, ruk ruk leh sualna chi hrang hrang kan
ramah a hluar phah a ni.
Awle, \halai te’n
ngaihsan tur dik leh entawn tur dik kan hriat theih nan a chunga kan sawi tak
kan role model Isua’n he khawvel a a len laia alo nun pui kha kan neih ngei
theih nan \ang\aina in i chhui zui dawn em le? Nge ni a i chhiar liam puat ang
a i duh tawk dawn. I kutah a awm e.
Lalpa’n malsawm rawh se.
Laltlanzova Darngawn
Pu Buanga Group
